Teslo (mezurunuo)

La teslo (mallonge: T) estas la mezurunuo de magneta flukso laŭ la Sistemo Internacia de Unuoj.

Ĝi estis tiel nomita omaĝe al la serba fizikisto Nikola Tesla; la nomo oficialiĝis okaze de la Ĝenerala Konferenco pri Pezoj kaj Mezuroj okazinta en Parizo en 1960.

Laŭdifine,

$\mathrm{1}\mathrm{T}\mathrm{=}\mathrm{1}\frac{Vs}{m^2}\mathrm{=}\mathrm{1}\frac{N}{Am}\mathrm{=}\mathrm{1}\frac{Wb}{m^2}\mathrm{=}\mathrm{1}\frac{kg}{A{s}^2}\mathrm{=}\mathrm{1}\frac{kg}{Cs}\mathrm{=}\mathrm{1}\frac{Ns}{Cm}$

Dekoblaj kaj dekonaj unuoj

Ŝablono:Dekoblaj kaj dekonaj mezurunuoj Eblas uzi dekoblajn kaj dekonajn unuojn de teslo, kies nomoj formeblas per la oficialaj prefiksoj de SI. Ili estas sufiĉe komunuzaj en fakaj studoj.

• En la ekstergalaksia kosmo, la magneta kampo varias inter 10⁻¹⁰ T kaj 10⁻⁸ T.
• Sur la tera supraĵo, je latitudo 50° la kampo egalas 5 · 10⁻⁵ T; ĉe la ekvatoro ĝi egalas 3,1 · 10⁻⁵ T.
• En kuracistaj aparatoj por magneta resonanca bildigo, uzatas kampoj egalaj al 1,5 T.
• La averaĝa magneta kampo en sunmakulo egalas 0,1 T.
• En neŭtrona stelo, la magneta kampo varias inter 10⁶ T kaj 10¹¹ T.

En terfiziko oni ankaŭ uzas la dekonan unuon gamo (laŭ la greka litero gamo): 1 γ = 10⁻⁹ T.