Argumentaro

En matematiko, la argumentaro (aŭ malbildo) de funkcio estas la aro $f^{-1}[Y]$ de tiuj elementoj de la fonta aro, por kiuj la funkcio estas difinita.

Funkcio $f:X\to Y$ kun fonta aro $X$ = {1, 2, 3}, cela aro $Y$ = {a, b, c, d}, argumentaro {2, 3} kaj bildaro {c, d}

Difino

Por funkcio $f:A\to B$, kiu ĵetas elementojn de la aro A (kiu en tia kunteksto nomiĝas fonta aro) en la aron B (kiu nomiĝas cela aro), oni nomas la aron konsistantan el ĉiuj elementoj de la aro A, por kiuj la funkcio f estas difinita, la argumentaro de f.

Elemento de la argumentaro nomiĝas argumento; la funkcio ĵetas argumenton $a\in A$ al ĝia bildo, $f(a)\in B$, kiu estas elemento de la cela aro $B$. Alie eblas diri, ke $a\in A$ apartenas al malbildo de $b\in B$, kiam $f(a)=b$. Tiasence, la argumentaro de funkcio $f:A\to B$ estas la malbildo de ties tuta cela aro $B$.

Notacio

$\mathrm{Dom}(f)=X$ signifas, ke la funkcio $f$ estas difinita sur la aro $X$.