Minutsigno

La skribsigno ‹′› (Unikode U+2032) havas plurajn uzojn:

• en geometrio, astronomio, geografio ĝi simbolas angulan minuton: $1^{\circ }=60^{\prime }$; 38°55′N;
• en matematiko (la esprimon $a^{\prime }$ voĉlegu «a streko»):
  • simbolas respondan punkton en geometrio ($A^{\prime }$ respondas al $A$);
  • simbolas derivaĵon en analitiko ($f^{\prime }$: la unua derivaĵo de fo);
  • $M^{\prime }$ simbolas transponon de matrico $M$.
• simbolas futon en la Usona-angla mezur-unua sistemo.

En la franca kaj angla partoj de la «Fundamenta Gramatiko de Esperanto» kaj en la Universala Vortaro minutsignoj estas uzataj por apartigi morfemojn: «mal′lum′a». Tiu notacio ne plu estas uzata, nun oni uzas tiucele la oblikvojn: «mal/lum/a».

Iam ‹′› estas neformale uzata por tempodaŭro, ekz‑e la daŭro de registraĵo: $2^{\prime }33^{″}$ estas 2 minutoj 33 sekundoj, kvankam la normigaj instancoj tion malaprobas.