Magneta konstanto

Magneta konstanto (aŭ magneta permeablo, aŭ ankoraŭ permeableco de vakuo) estas koeficiento μ₀ en leĝo de magneta interago (forta leĝo de Ampère) kaj ekvacioj de Maxwell, ĝi valoras:

${\mu }_0=1,25663706212(19)\times 10^{-6}\mathrm{k}\mathrm{g}\cdot \mathrm{m}/({\mathrm{s}}^2\cdot {\mathrm{A}}^2)$

Aliaj manieroj skribi la unuojn:

$1\mathrm{k}\mathrm{g}\cdot \mathrm{m}/({\mathrm{s}}^2\cdot {\mathrm{A}}^2)=1\mathrm{H}/\mathrm{m}=1\mathrm{N}/{\mathrm{A}}^2=1\mathrm{V}\cdot \mathrm{s}/(\mathrm{A}\cdot \mathrm{m})$

La magneta forto $F_m$ de unu drato sur la alia drato de longo $L$ en la vakuo de libera spaco estas (se la longo estas sufiĉe granda por malatenti efikojn je finoj de la dratoj):

$F_{\mathrm{m}}={\mu }_0\frac{I^{2}L}{2\pi r},$

kie

$I$ estas la elektra kurento kun sama direkto en ĉiu drato,

$r$ estas distanco inter la dratoj.

Tiel la forto estas altira forto de la dratoj inter ili; ĉi tiu formulo estas speciala okazo de la leĝo de magneta interago.

Konsiderante maldikajn dratojn kies distanco inter ili estas 1 metro, la ampero, mezurunuo de elektra kurento, estas difinita kiel la kurento, kiu kreas forton de 2x10⁻⁷ neŭtono je metro.

Vidu ankaŭ

• Magneta permeableco
• Lorenca forto
• Ampera forta leĝo
• Kampo (magneto)