Surĵeto

Ĉie difinita surĵeta (sed ne disĵeta) funkcio.

Ĉie difinita ne-surĵeta (sed disĵeta) funkcio.

Bijekcio (t.e. ĉie difinita dissurĵeta) funkcio.

Surĵeto (aŭ surjekcio) estas tia matematika funkcio, por kiu al ĉiu elemento de la cela aro rilatas iu elemento de la fonta aro. Tio signifas, ke la malbildo de ĉiu elemento de la cela aro ne estas malplena. La cela aro kaj la bildaro (valoraro) de la funkcio estas do identaj.

Formala difino

Estu $X$ kaj $Y$ aroj, kaj $f:X\to Y$ bildigo de $X$ al $Y$.

$f$ nomiĝas surjekcia (sur $Y$), se por ĉiu $y$ el $Y$ ekzistas almenaŭ unu $x$ el $X$ kun $f(x)=y$.

Lingva noto

La termino surĵeto respondas al la matematika maniero voĉlegi la formulon $f:A\to B$ kiel «f  ĵetas A sur B» (kp ankaŭ la anglan sinonimon onto map). Kontraste, se f ne estas surĵeto, oni povas indiki tio per la uzo de la prepozicio «en»: «f ĵetas A en B».

Vidu ankaŭ

• Disĵeto
• Dissurĵeto
• Vikipedio:Projekto matematiko/Surĵeto