Polisaĥarido
La polisaĥaridoj aŭ polisakaridoj estas karbonhidratoj, konsistantaj el multaj monosaĥaridoj.
La ĝenerala formulo de polisaĥaridoj estas:
- , kie x, y n estas entjeroj plej ofte kun x = 5 aŭ 6 kaj y = x−1 .
Unu parto de la polisaĥaridoj estas depona materialo kiel amelo ĉe plantoj kaj glikogeno ĉe bestoj. La amelo konstruiĝas el amelozo (ne disbranĉanta glukozĉeno) kaj amilopektino (disbranĉanta). La glikogeno similas al la amilopektino, sed pli ofte disbranĉiĝas.
La alia parto de polisaĥaridoj estas struktura materialo kiel celulozo, pektino. La celulozo estas longa, ne disbranĉanta ĉeno el kelkaj mil glukozmolekuloj. En la celulozo estiĝas hidrogenaj ligoj, kiujn povas biologie malligi nur bakterioj.