Rilato (logiko)

En la logiko, n-opa rilato estas ĝeneraligo de la koncepto de duopa rilato. Tio signifas ke por ĉiu n-opo, estas difinite ĉu la elementoj en la n-opo interrilatas laŭ tiu rilato aŭ ne.

Oni povas formaligi tiun koncepton pere de la aro-teorio: Rilato super la aroj X₁, ..., X_n estas subaro de la kartezia produto X₁×...×X_n. Tiun subaron oni ankaŭ nomas grafeo, do laŭ ĉi tiu difino la rilato estas identigita kun sia grafeo. Se R estas rilato, oni kutime skribas $R(x_1,x_2,\cdots )$ anstataŭ skribi $(x_1,x_2,\cdots )\in R$.