Magneta momanto

La magneta momanto $\overrightarrow{m}$ en fiziko estas vektora grando, kiu mezuras la intenson de magneta dupoluso.

Al magneta momanto en ekstera magneta kampo kun fluksdenso $\overrightarrow{B}$ agas la tordmomanto

$\overrightarrow{M}=\overrightarrow{m}\times \overrightarrow{B},$

kiu turnas ĝin al la direkto de la kampo. Ĝia potenciala energio dependas de la angulo $\theta$ inter la direkto de la kampo direkto kaj la magneta momanto:

$E_{\text{pot}}=-\overrightarrow{m}\cdot \overrightarrow{B}\equiv -mB\cos \theta .$

Gravaj ekzemploj estas la kompasonadlo kaj la elektromotoro.

La mezurunuo de la magneta momanto en la internacia sistemo de unuoj (SI) estas A·m². 

Origino

• La origino de magneta momanto povas esti elektra kurento:

La kurenta denseco $\overrightarrow{ȷ}(\overrightarrow{r})$ havas magnetan momanton

$\overrightarrow{m}=\frac{1}{2}\int {\mathrm{d}}^{3}r[\overrightarrow{r}\times \overrightarrow{ȷ}(\overrightarrow{r})].$

Por ebena volvaĵo el tio ĉi rezultas

$m=I\cdot A,$

kie $A$ estas la areo ĉirkaŭfluata de $I$.

Ĉi-tio estas, en elektrotekniko la bazo por generatoroj, motoroj kaj elektromagnetoj.

• Partikloj kun propra angula movokvanto (Spino) $\overrightarrow{s}$ havas magnetan momenton

$\overrightarrow{m}=\gamma \overrightarrow{s}.$

$\gamma$ estas nomata giromagneta interrilato . Ekzemploj estas elektronoj, kiuj per paraleligo de iliaj magnetaj momantoj, ekigas la feromagnetismon de la elementoj de la fera grupo kaj la raraj teroj .