Magmo (matematiko)

Ŝablono:Algebraj strukturoj Magmo en la matematika fako abstrakta algebro estas algebra strukturo konsistanta el aro kun interna duvalenta operacio ($M$, $\star$), t.e. $\star :M\times M\to M$ sen iaj pliaj postulataj ecoj. La malplena aro $\mathrm{\varnothing }$ estas akceptebla kiel subtena aro $M$; ĝi triviale estas magmo.

Alternativa pli malnova nomo por magmo estas grupoido, kiu ne kongruas kun la samnoma nocio grupoido en la teorio de kategorioj. (Ĝuste tia ambigueco kaj populareco de la kategorio-teorio estas kialo por ekuzo de la nova termino "magmo".)

Pliĝeneraligo de magmo estas tiel nomata pseŭdomagmo, kies operacio estas difinita ne nepre sur la tuta subtena aro, do povas esti parta operacio.

Se la operacio estas komuta, la magmo nomiĝas komuta aŭ abela. Se la operacio estas asocia, la magmo nomiĝas semigrupo.