Konfidintervalo

En statistiko, konfidintervalo estas intervalo, en kiu stimata parametro kuŝas je specita probablo. Tia uzo de konfidintervaloj nomiĝas intervala stimo.

Difino

Supozu, ke:

• $\theta \in ℝ$ estas la stimota reela parametro.
• $X_1,\dots ,X_n:\mathrm{\Omega }\to 𝒳$ estas serio de $n$ stokastaj variabloj sur komuna probablospaco $\mathrm{\Omega }$, kies valoroj estas en mezurebla spaco $𝒳$. Tiuj reprezentas la datenaron de $n$ datenpunktoj. La distribuoj de tiuj variabloj povas dependi de $\theta$.
• $\gamma \in [0,1]$ estas reelo inter 0 kaj 1, la konfidnivelo (1 estas kvazaŭplena konfidigo; 0 estas apenaŭa konfidigo).

Se ekzistas samplaj statistikoj

$A_{+}(X_1,\dots ,X_n):{𝒳}^n\to ℝ$

$A_{-}(X_1,\dots ,X_n):{𝒳}^n\to ℝ$

tiaj ke

$\mathrm{Pr}(A_{-}\le \theta \le A_{+})=\gamma$

por ĉiuj $\theta$, do la intervalo $[A_{-},A_{+}]$ estas konfidintervalo de $\theta$ ĉe konfidnivelo $\gamma$.

La konfidnivelo estas ofte skribita procente — ekz. $\gamma =0,5$ respondas al la konfidnivelo 50%.

Oftaj konfidniveloj

Plej ofte, konfidnivelo 95% estas uzata por konfidintervaloj. Tamen, kelkfoje uziĝas aliaj konfidniveloj, ekz. 90% aŭ 95%.

Grafika prezento

En bastonaj diagramoj, konfidintervaloj estas ofte montrata per malgranda streketo, kies longo respondas al la intervalo:

En tia diagramo, la konfidnivelo devas esti menciita aliloke, ĉar la streketo mem ne portas tiun informon.

Vidu ankaŭ

• p-valoro

Eksteraj ligiloj

• Ŝablono:Citaĵo el la reto