Vidi fonton por Volto

La '''volto''' (simbolo: ''V'') estas mezurunuo de elektra [[tensio]] (alinome "potenciala diferenco") kaj de [[elektromova forto]]. Ĝi estas la oficiala mezurunuo por tensio kadre de la [[Sistemo Internacia de Unuoj]]. Oni nomis ĝin omaĝe al la itala [[fizikisto]] [[Alessandro Volta]] (1745–1827), kiu inventis la unuan modernan [[pilo]]n, kiu transformas kemian energion en [[elektra energio|elektran]].

Unu volto estas difinita kiel la potenciala diferenco (tensio) inter la du finoj de tia [[konduktilo]], en kiu unu [[ampero]] da [[elektra kurento]] produktas [[povumo]]n de unu vato.

Tial, oni povas prezenti volton per la jenaj rilatoj inter aliaj internaciaj unuoj:
:<math>\mbox{V} = \dfrac{\mbox{W}}{\mbox{A}} = \dfrac{\mbox{J}}{\mbox{A} \cdot \mbox{s}} = \dfrac{\mbox{N} \cdot \mbox{m} }{\mbox{A} \cdot \mbox{s}} = \dfrac{\mbox{kg} \cdot \mbox{m}^2}{\mbox{A} \cdot \mbox{s}^{3}} = \dfrac{\mbox{kg} \cdot \mbox{m}^2}{\mbox{C} \cdot \mbox{s}^2} = \dfrac{\mbox{N} \cdot \mbox{m}} {\mbox{C}} = \dfrac{\mbox{J}}{\mbox{C}}</math>

== Dekoblaj kaj dekonaj unuoj ==
{{Dekoblaj kaj dekonaj mezurunuoj
 |mezurunuo = volto
 |simbolo = V
}}
Malgraŭ tio, ke la volto estas difinita kiel kunmetaĵo de aliaj bazaj unuoj, la grando de unu volto estas sufiĉe taŭga por priskribi multajn fenomenojn en la ĉiutaga vivo (malkiel la [[farado]], ekzemple, kiu estas rimarkinde tro granda por priskribi [[kapacitanco]]jn, kiujn oni kutime spertas en sciencaj laborejoj).

Tamen, memkompreneble ankaŭ por volto eblas formi dekoblajn kaj dekonajn unuojn laŭ la oficialaj [[prefiksoj de SI]].

Jen kelkaj el la plej kutimaj ekzemploj pri uzo de volto kaj ties obloj kaj onoj:
* [[Nervoĉelo]]j havas bazan tension de ĉirkaŭ −75&nbsp;mV<ref>Bullock, Orkand, and Grinnell, pp. 150–151; Junge, pp. 89–90; Schmidt-Nielsen, p. 484</ref>
* Unuĉela, reŝargebla [[baterio]] [[NiMH]] aŭ [[NiCD]]: 1,2&nbsp;V
* Merkura baterio: 1,355&nbsp;V
* Unuĉela, nereŝargebla [[alkalina baterio]] (kiel tiuj, kiuj uzatas en la ĉiutaga vivo): 1,5&nbsp;V
* Tensio provizita en domoj: 230&nbsp;V en [[Eŭropo]], [[Azio]] kaj [[Afriko]], 120&nbsp;V en [[Norda Ameriko]], 100&nbsp;V RMS en [[Japanio]] ([[kvadrata averaĝo]])
* [[Kontaktrelo]] por elektraj [[metroo]]j: 600 – 1200&nbsp;V, laŭ la diversaj landoj
* Tensio provizita al [[trajno]]j: 1,5 – 25&nbsp;kV.
* [[Fulmo]]: tre diversaj valoroj, plej ofte ĉirkaŭ 100&nbsp;MV.

== Referencoj ==
{{Referencoj}}

{{-}}
{{Mezurunuoj de SI}}
{{Projektoj}}

[[Kategorio:Mezurunuoj de SI]]