Vidi fonton por Siverto

La '''siverto''' (simbolo Sv) estas la [[Sistemo Internacia de Unuoj|SI-unuo]] de [[ekvivalenta dozo]]. Ĝi provas enkalkuli la biologiajn efikojn de [[radiado]], ne nur la fizikajn aferojn, kiujn karakterizas la [[sorbita dozo]], mezurebla en [[grajo]]j. Ĝi estas nomita pro [[Rolf Maximilian Sievert]], sveda medicina fizikisto fama pro lia laboro pri la mezurado de radiadaj dozoj kaj pro esplorado pri la biologiaj efikoj de radiado.

== Difino ==
:<math>1 \ \mathrm{Sv} = 1\ \frac{\mathrm{J}}{\mathrm{kg}} = 1\ \mathrm{m}^2\cdot\mathrm{s}^{-2}</math>

La kvanta ekvivalenta dozo ''H'' estas la produto de la sorbita dozo ''D'' de [[joniga radiado]] kaj la sendimensia faktoro ''Q'' (kvalita faktoro) difinita kiel funkcio de linia energia transigo laŭ la [[ICRU]] ([[Internacia Komisio pri Radiologiaj Unuoj kaj Mezuroj]]):

:<math>H = Q \cdot\ D</math>

Tiel, por specifa radiado, la numera valoro de ''H'' eble malsamas al tiu de ''D'', dependante de la valoro de ''Q''.

La malsamecon kaŭzas la [[linia energia transigo]] de la tipo de radiado, donante malsaman [[relativa biologia efikeco|relativan biologian efikecon]] por ĉiu tipo de radiado konsiderata.

Plej ofte estas la milisiverto (mSv), kiun oni utiligas por taksi dozojn rilatante al homoj.

En diagnozaj medicinaj proceduroj, ekzemple [[X-radioj]], [[nuklea medicino]], [[Pozitrona Emisia Tomografio]], kaj aliaj tomografioj, tipe la dozo estas 0,1-10 mSv, por nur sufiĉe akiri la bezonatan informon.

La efektiva dozo de [[fona radiado|natura radiado]] multe varias laŭloke, sed tipa valoro estas 2,4 mSv/jaro <ref>[http://www.unscear.org/docs/reports/gareport.pdf (pdf)] Raporto de la Scienca Komitato de [[UN]] ({{en}})</ref>.

== ''Q'' valoroj ==
Jen iuj kvalitaj faktoraj valoroj:<ref name=1990icrp>[http://www.icrp.org/docs/Summary_B-scan_ICRP_60_Ann_ICRP_1990_Recs.pdf 1990 Kandidatigoj] {{Webarchiv|url=https://web.archive.org/web/20060926144059/http://www.icrp.org/docs/Summary_B-scan_ICRP_60_Ann_ICRP_1990_Recs.pdf |date=2006-09-26 }} de Internacia Komisiono sur Radioaktiveca Egido (Laste atingita: 12 sep 2008)</ref>

* [[Fotono]]j, ĉiuj energioj : ''Q'' = 1
* [[Elektrono]]j kaj [[muono]]j, ĉiuj energioj : ''Q'' = 1
* [[Neŭtrono]]j,
** energio < 10 [[elektrono-volto|keV]] : ''Q'' = 5
** 10 keV < energio < 100 keV : ''Q'' = 10
** 100 keV < energio < 2 MeV : ''Q'' = 20
** 2 MeV < energio < 20 MeV : ''Q'' = 10
** energio > 20 MeV : ''Q'' = 5
* [[Protono]]j, energio > 2 MeV : ''Q'' = 5
* [[Alfa-radiado|Alfaj partikloj]] kaj aliaj atomaj kernoj : ''Q'' = 20

== Vidu ankaŭ ==
* [[Radioterapio]]
* [[Grajo]]
* [[Rentgeno]]
* [[Fona radiado]]
* [[Relativa Biologia Efikeco]] (RBE)
* [[Linia Energia Transigo]]

== Referencoj ==
{{Referencoj}}

== Eksteraj ligiloj ==
{{Projektoj}}
* [http://www.bipm.org/utils/common/pdf/si_brochure_8_en.pdf (pdf) [[BIPM]], vidu paĝon 169] ({{en}})

[[Kategorio:Mezurunuoj]]
[[Kategorio:Fiziko]]