Vidi fonton por Magneta fluksdenso

En [[magnetismo]] la '''magneta fluksdenso''', foje nomata simple '''magneta kampo''' estas [[fizika grando]] de [[Klasika elektromagnetismo|elektro-dinamiko]]. Ĝi estas la area denso de la [[magneta flukso]] kiu trafluas orte difinitan elementon de surfaco. 

La magneta fluksdenso <math>\vec{B}</math> – same kiel la [[Elektra indukdenso|''elektra'' indukdenso]] <math>\vec{D}</math> – estas direktita grando, do [[vektoro]]. 

== Difino kaj kalkulo ==
[[Dosiero:Lorentzkraft_v2.svg|eta|Forto de Lorentz en magneta kampo B sur ''pozitive'' ŝargita partiklo q moviĝanta kun rapido v (maldekstre) kaj sur konduktanto kun longo s trafluata per kurento I (dekstre).]]
La magneta fluksdenso <math>\vec B</math> historie estis difinita unue nerekte, baze de ilia eksperimente mezurebla forto <math>\vec F</math> sur ''moviĝantaj ''elektraj ŝargoj kaj sekve sur konduktantoj trafluataj de [[kurento]]. Tiu forto estas la magneta komponanto de la [[Lorenca forto|forto de Lorentz]] kaj en vektora notacio oni skribas: 

: <math>{\vec F_B} = q \cdot {\vec v}\times {\vec B} \Leftrightarrow {\vec F_B} = I \cdot {\vec s}\times {\vec B}</math>
* <math>{\vec F_B}</math> – forto sur la elektra ŝargo <math>q</math>, moviĝanta en la magneta kampo
* <math>q\,</math> – [[elektra ŝargo]], aŭ <math>I\,</math> – kurentintenso
* <math>{\vec v}</math> – [[Vektora rapido|rapido]] de la moviĝanta ŝargo, aŭ <math>{\vec s}</math> – longo de la pado de la elektra kurento <math>I</math> tra la konduktanto (La orientiĝo de <math>\vec s</math> dependas de la teknika kurentdirekto )
* <math>{\vec B}</math> – magneta fluksdenso
La unua de la du ekvacioj montritaj supre estas uzata plejparte por moveblaj ŝargoj ekz. elektronoj ene de [[Bildotubo|Braun tubo]], la dua estas por ŝargoj moviĝantaj ene de elektraj konduktantoj, ekz. dratoj kaj kabloj. Ambaŭ ekvacioj estas ekvivalentaj.

En la supraj formuloj  <math>\vec B</math> estas vektoro direktita laŭ la direkto de la [[kampolinio]]j de la [[magneta kampo]].

Se oni rezignas pri la determino de la direkto de la forto el la vektora produkto, eblas kalkuli ĝian valoron kiel skalara grando helpe de la sekva ekvacio

: <math>F_B=|q\cdot v| \cdot B\sin \alpha \, \Leftrightarrow F_B=|I\cdot s| \cdot B\sin \alpha \,</math>
kun: 
* <math>q\,</math> – elektra ŝargo, aŭ <math>I\,</math> – kurentintenso
* <math>v\,</math> – rapido de la moviĝanta ŝargo, aŭ <math>s\,</math> – longo de la pado de la kurento en la konduktanto
* <math>B\,</math> – valoro de la magneta fluksdenso
* <math>\alpha\,</math> – angulo inter la movdirekto de la ŝargo kaj la direkto de la magneta flukso, aŭ inter la direkto de la kurento <math>I</math> kaj la direkto de la magneta flukso. 
Se la elektra ŝargo <math>q</math> moviĝas kun la rapido  <math>v</math> orte al la direkto de la magneta flukso kaj/aŭ la ekzamenita konduktanto estas orta al la direkto de la magneta flukso la valoro de <math>\textstyle B</math> povas esti kalkulata rekte el la valoro de la forto <math>\textstyle F_B</math> helpe de la ekvacio:

:<math>
{B=\frac{F_B}{|q\cdot v|}} \Leftrightarrow {B=\frac{F_B}{|I\cdot s|}}
</math>

La rilato kun la magneta kampintenso <math>\vec{H}</math> estas:
:<math>\vec{B} = \mu \cdot \vec{H}</math> 
kie <math>\mu</math> estas la [[Magneta permeableco|magneta permeablo]].

== Mezurunuo ==
La [[Internacia sistemo de unuoj|SI-unuo]] de magneta fluksdenso estas la [[Teslo (mezurunuo)|Tesla]] kun la simbolo T:
:<math>\left[ B \right] = 1\,{\mathrm{kg} \over \mathrm{As^2}} = 1\,{\mathrm{N} \over \mathrm{Am}} = 1\,{\mathrm{Nm} \over \mathrm{Am^2}} = 1\,{\mathrm{J} \over \mathrm{Am^2}} = 1\,{\mathrm{Ws} \over \mathrm{Am^2}} = 1\,{\mathrm{Vs} \over \mathrm{m^2}} = 1\,\mathrm{T}</math>

Alia malnova unuo por magneta fluksdenso estas la [[Gaŭso (mezurunuo)|Gaŭso]] kun la simbolo G, kiu en tekniko estas daŭre uzata. 1 T = 10000 G.

[[Kategorio:Magnetismo]]