Vidi fonton por Fermato

[[Dosiero:Fermata.svg|eta|Simbolo]]

'''Fermato''' ([[itala lingvo|it]]. ''fermare'': ''halti'') estas en [[muziko]] trankvilosigno laŭ formo de [[Parabolo (matematiko)|parabolo]] malsupren malferma sur [[noto]] aŭ [[notvaloro#Paŭzoj|paŭzo]], kiu ankaŭ estas uzata kiel haltosigno aŭ indikas la haltadon en la movado.

== Klarigo ==
La origina notvaloro estas plilongigata ĝis la duobla valoro (la interpretisto ne estas ligita al la fakta daŭro). Kelkaj komponistoj precizigas siajn dezirojn, notante ''brevis'' (= mallonge) aŭ ''lunga'' (= longe) super la fermatosignon. En modernaj partituroj troveblas ankaŭ la fermatosigno en angula formo (renversita "kesto" kun punkto), longa fermato tiam estas prezentata per pluraj "kestoj" unu super la alia. En la [[klasika epoko|klasika]] kaj [[romantisma muziko|romantisma]] [[Epokoj (muziko)|epokoj]] oni uzis fermaton por dilatado de la [[takto (muziko)|takto]], por eviti taktŝanĝon. Ekzemploj por famaj fermatoj estas la komenco de la [[5-a simfonio (Beethoven)|5-a simfonio]] de [[Ludwig van Beethoven|Beethoven]] aŭ la [[uverturo]] de ''[[Zauberflöte]]'' de [[Wolfgang Amadeus Mozart|Mozart]].

Krome fermato en orkestronotoj de [[konĉerto]] indikas ankaŭ la komencon de [[Kadenco (konĉerto)|kadenco]], dum kiam la restaj voĉoj silentas. Jam en la 15-a jarcento ĝi indikis je la finoj de la voĉoj de [[Kanono (muziko)|kanono]], ke tono estas tenenda, ĝis kiam ĉiuj voĉoj atingos sian finon. Fermatoj krome subdividas [[ĥoralo|ĥoralkomponaĵojn]], akompanante la finajn sonojn de la unuopaj detranĉoj. Ofte ili troviĝas en pli malnova literaturo super la finostreko de komponaĵo.

Ankaŭ [[ĝeneralpaŭzo]] estas indikata per fermato, se ĉi tiu ĝeneralpaŭzo ne estas strikte realigebla en la tempo (malrapidaj movimentoj ĉe [[Joseph Haydn|Haydn]]). Ofte tiam staras sur la fermato ''G.P.'' (multaj ekzemploj ĉe [[Anton Bruckner]]).

== Valoroj ==
Ekde mallonga ĝis longa:

{| class="wikitable" width="150"
| width="33%" align="center"| <small><math>breve</math></small><br />[[Dosiero:Fermata_round.png|20px]]
| width="33%" align="center"| <br />[[Dosiero:Fermata_round.png|20px]]
| width="34%" align="center"| <small><math>lunga</math></small><br />[[Dosiero:Fermata_round.png|20px]]
|}

== Vidu ankaŭ ==
* [[Mezurnotacio]]
{{Tradukitaĵo|de|Fermate|revizio=80240488|enmetrevizio=3205880}}
{{Projektoj|ReVo=fermat}}

[[Kategorio:Muzika notacio]]