Vidi fonton por Dioptrio

[[Dosiero:Positive lens 2.svg|eta|300px|Pozitiva lenso; ''f'' estas la fokusdistanco]]
[[Dosiero:Myopia.png|eta|300px|Miopa okulo kun korektanta lenso]]
La '''dioptrio''' (simbolo '''dpt''') estas la [[mezurunuo]] de la refrakta kapablo de [[lenso]] aŭ optika sistemo. Unu dioptrio estas difinita kiel 1 dpt = {{nowrap|1 m<sup>−1</sup>}}. La dioptrio estas derivita mezurunuo en la [[Internacia sistemo de unuoj]].

La nombro de dioptrioj de lenso aŭ optika sistemo egalas al inverso de la [[fokuso|fokusdistanco]] mezurata en metroj:

:<math>D=\frac{1}{f \text{ (m)}}</math>

== Ekzemplo ==
Por la lenso de homa [[okulo]] la [[fokuso|fokusdistanco]] egalas al proksimume ''f''<sub>norm</sub> = 17 mm kaj je tiu distanco en normala okulo troviĝas la [[retino]], kie la lumradioj konverĝas.
Ĉe [[miopio|miopeco]] la okulo estas plej ofte iom pli longa ol normale. Tial en stato de neakomodo, la lumradioj konverĝas antaŭ la retino, estigante konfuzan bildon. Por estigi klarkonturan bildon necesas pli granda fokusdistanco. Oni supozas ekzemple, ke la okulo estu pli longa je unu milimetro kaj sekve necesas fokusdistanco egala al ''f'' = 18 mm. Por pligrandigi la fokusdistancon necesas diverĝiga lenso kun taŭga fokusdistanco ''f''<sub>kor</sub>.
Por la sistemo kunmetita el du lensoj validas proksimume <ref>Precize estus necese konsideri ankaŭ la distancon inter la du lensoj sed en ĉi tiu kazo ĝia kontribuo ne gravas ĉar la korektanta lenso estas malforta.</ref>:

:<math>\frac 1 f = \frac 1 {f_\text{norm}} + \frac 1 {f_\text{kor}}</math> , el kio
:<math>\frac 1 {f_\text{kor}} = \frac 1 f - \frac 1 {f_\text{norm}} = \left(\frac{1}{18} - \frac{1}{17}\right)\cdot10^3 \text{ m}^{-1} = -3,3 \text{ dioptrioj} </math>,
kie la signo minus rilatas al diverĝiga lenso.

Por ĝuste korekti la miopecon de la ekzemplo estas uzata lenso negativa (konkava) kun 3,25 dioptrioj, ĉar la lensoj disponeblas nur en ŝtupoj de 0,25 dioptrioj.

{{Projektoj|ReVo=dioptr}}

== Referencoj ==
{{Referencoj}}

[[Kategorio:Fiziko]]
[[Kategorio:Optiko]]