Vidi fonton por Argumento de la periapsido

[[Dosiero:Orbital elements.svg|eta|dekstra|400px|La parametroj de [[orbito]], inter kiuj troveblas la argumento de la periapsido (ω).]]
En [[astrodinamiko]], la '''argumento de la periapsido''' estas [[orbita parametro]], kiu egalas la angulon inter la direkto de la [[suprenira nodo]] kaj la [[periapsido]] de la [[orbito]]. Ĝi do troviĝas sur la orbita ebeno, kaj, pro konvencio, ĝi estu kalkulita en la direkton de orbitado.

Ĝin indikas la [[greka alfabeto|greka litero]] [[omego]] (<math>\omega\,</math>).

Kompreneble, la esprimo [[periapsido]] (aŭ [[periastro]]) estas la plej ĝenerala; kiam temas pri la [[Suno]], oni parolas pri [[perihelio]]; kiam temas pri la [[Tero]], pri [[perigeo]].

Se la argumento de la periapsido egalas 0°, tio signifas, ke la punkto kie la orbitanta korpo plej proksimas al la [[Suno]] (aŭ al la ĉirkaŭorbitata objekto) koincidas kun la punkto, kie la orbitanta korpo intersekcas la [[ekliptiko]]n (aŭ iu ajn alia ebeno, antaŭdifinita per konvencio) en la nordan direkton.

La argumento de la periapsido <math>\omega</math> kalkuleblas jene:

:<math>\omega = \arccos {\frac {\vec n \cdot \vec e} {\|\vec n \| \|\vec e \|} }</math>

kie:
* <math> \vec n </math> estas la [[vektoro]], kiu indikas la [[suprenira nodo|supreniran nodon]];
* <math> \vec e </math> estas la ''vektoro de discentreco'' (alivorte, ĝi indikas la periapsidon).

Kiam temas pri [[ĉirkaŭekvatora orbito]], la ĉi-supra difino donas neniun rezulton. Tiam oni konvencie asertas, ke

:<math>\omega = \arccos {\frac {e_x} {\|\vec e\|}}</math>

kie:
* <math>e_x</math> estas la ikso-direkta komponanto de la discentreca vektoro <math> \vec e </math>.

Kaze de [[cirkla orbito]], la periapsido konvencie koincidas kun la suprenira nodo, kaj tial <math>\omega=0</math>.

== Vidu ankaŭ ==
* [[Meza anomaliangulo]]
* [[Longitudo de la suprenira nodo]]
* [[Granda duonakso]]
* [[Discentreco]]
* [[Inklinacio]]
* [[Precesio]]

[[Kategorio:Astronomio]]

[[ru:Кеплеровы элементы орбиты#Аргумент перицентра]]